आईपीएलमा आज एक खेल

काठमाडौँ- इन्डियन प्रिमियर लिग (आईपीएल) अन्तर्गत आज एक खेल मात्र हुने भएको छ । आज चेन्नई सुपर किंग्सले लखनउ सुपर जायन्टसविरुद्ध खेल्ने तालिका रहेको छ ।

चेन्नई र लखनउबीचको खेल नेपाली समयअनुसार ७:४५ बजेबाट सुरु हुनेछ । चेन्नई र लखनउले दुबै दोस्रो खेल खेल्दैछन् ।

---

चेन्नईले पहिलो खेलमा साविक विजेता गुजरात टाइटन्सविरुद्ध ५ विकेटको पराजय भोगेको थियो । लखनउले भने दिल्ली क्यापिटल्सलाई ५० रनले पराजित गरेको थियो ।

यसअघि आइतबार भएको खेलमा राजस्थान रोयल्सले सनराइजर्स हैदराबादलाई ७२ रनले पराजित गर्दा रोयल च्यालेन्जर्स बैंग्लोरले मुम्बई इन्डियन्सलाई ८ विकेटले हराएको थियो ।