फेयर ब्रेक क्रिकेटः सीता आवद्ध टोर्नाडोजको चौंथो हार

काठमाडौँ- हङकङमा जारी फेयर ब्रेक इन्भिटेसनल टी-ट्वान्टी क्रिकेट प्रतियोगिताअन्तर्गत सीता राना मगर आवद्ध भएको टोर्नाडोजले चौथो हार भोगेको छ । आज भएको खेलमा स्पिरिटले टोर्नाडोजलाई ६ विकेटले पराजित गरेको हो ।

स्पिरिटले १ सय ५१ रनको लक्ष्य १५ ओभर ४ बलमा ४ विकेट गुमाएर पूरा गर्‍यो । स्पिरिटका लागि कप्तान निकोला क्यारीले २८ बलमै समान ७ चौका र ७ छक्काको मदतमा ८४ रन बनाइन् । टोर्नाडोजका लागि अलिया रियाजले २ तथा सीता राना मगर र चानिडा सुथिरुआङ्गाले १-१ विकेट हात पारे ।  

---

यसअघि टस जितेर पहिले ब्याटिङ गरेको टोर्नाडोजले निर्धारित २० ओभरमा ४ विकेट गुमाएर १ सय ५० रन बनायो । उसका लागि कप्तान स्टाफेनी टेलरले १० चौकाको मदतमा ४८ बलमा ६१ रन जोडिन् । स्पिरिटका सोफी डङ्कलीले सर्वाधिक २ विकेट हात पारिन् ।