आईपीएलमा पञ्जाबमाथि गुजरातको जित

काठमाडौँ- साविक विजेता गुजरात टाइटन्सले इन्डियन प्रिमियर लिग (आईपीएल) मा तेस्रो जित हात पारेको छ । बिहीबार राति मोहालीमा सम्पन्न खेलमा गुजरातले पञ्जाब किंग्सलाई ६ विकेटले पराजित गर्‍यो ।

गुजरातको चार खेलमा यो तेस्रो जित हो । पञ्जाबले भने चार मध्ये २ खेलमा पराजय भोगेको छ ।

---

बिहीबार राति १ सय ५४ रनको लक्ष्य गुजरातले १९ ओभर ५ बलमा ४ विकेट गुमाएर पूरा गर्‍यो । गुजरातका लागि शुवमन गिलले ४९ बलमा सर्वाधिक ६७ रनको योगदान गरे ।

यसअघि टस हारेर पहिले ब्याटिङ गरेको पञ्जाबले निर्धारित २० ओभरमा ८ विकेट गुमाएर १ सय ५३ रन जोड्यो । पञ्जाबका लागि म्याथ्यू शर्टले ३६ रन तथा जितेश शर्माले २५ रन बनाए । गुजरातका लागि मोहित शर्माले सर्वाधिक २ विकेट हात पारे ।

आज राति कलकता नाइट राइडर्सले सनराइजर्स हैदराबादको सामना गर्नेछ ।