फेयरब्रेक इन्भिटेसनल टी-ट्वान्टीमा रुविनाको टिम तेस्रो

काठमाडौँ- रुविना क्षेत्री आवद्ध बर्मी आर्मी हङकङमा जारी फेयरब्रेक इन्भिटेसनल टी-ट्वान्टी क्रिकेट प्रतियोगितामा तेस्रो भएको छ । आईतबार तेस्रो स्थानका लागि भएको खेलमा बर्मी आर्मीले स्पिरिटलाई २२ रनले पराजित भएको हो ।

१ सय ४८ रनको लक्ष्य पछ्याएको स्पिरिटले निर्धारित २० ओभरमा ६ विकेट गुमाएर १ सय २५ रनमात्र बनायो । स्पिरिटका लागि केरी ऐनी टोमलिनसनले सर्वाधिक ३३ रन बनाईन् । बर्मी आर्मीका लागि लाउरा कारडोसोले २ विकेट हत पारिन् । रुविनाले ३ ओभरमा १२ रन खर्चिइन् ।

---

त्यसअघि टस हारेर पहिले ब्याटिङ गरेको बर्मी आर्मीले निर्धारित २० ओभरमा ४ विकेट गुमाएर १ सय ४७ रन बनाएको थियो । दिआन्द्रा डोटिनले ३८ बलमा ६ चौका र ६ छक्काको सहयोगमा ७५ रन बनाइन् ।