एसीसी प्रिमियर कप : कुवेतविरुद्ध यूएईले हिर्कायो ३७१ रन

काठमाडौँ- नेपालमा जारी एसीसी प्रिमियर कपअन्तर्गत युनाइटेड अरब इमिरेट (यूएई) ले कुवेतविरुद्ध शानदार ब्याटिङ गरेको छ । त्रिवि क्रिकेट मैदानमा टस हारेर पहिले ब्याटिङ गरेको यूएईले निर्धारित ५० ओभरमा ६ विकेटको क्षतिमा ३ सय ७१ रन बनायो ।

यूएईका लागि भृत्य अरविन्दले १ सय ८५ रनको योगदान गरे । उनले १ सय ४६ बलको सामना गर्दा १७ चौका र ९ छक्का हिर्काए ।

---

रोहन मुस्तफाले १ सय २५ बलमा १ सय १८ रन जोड्दा १० चौका र ४ छक्का हिर्काए ।

कुवेतका शाहरुख कुडुस र परविन्दर कुमारले २-२ विकेट तथा यासिन पटेल र सयद मोनिबले १-१ विकेट हात पारे ।