अरविन्द र रोहनको शतकमा कुवेतविरुद्ध यूएईको शानदार जित

काठमाडौँ- नेपालमा जारी एसीसी प्रिमियर कपअन्तर्गत युनाइटेड अरब इमिरेट (यूएई) ले कुवेतविरुद्ध शानदार जित हात पारेको छ । त्रिवि क्रिकेट मैदानमा भएको खेलमा यूएईले कुवेतलाई १ सय ४३ रनले पराजित गरेको हो ।

यूएईले दिएको ३ सय ७२ रनको विशाल लक्ष्य पछ्याएको कुवेतले ३६ ओभर ३ बलमा सबै विकेट गुमाउँदै २ सय २८ रन मात्र जोड्न सक्यो । कुवेतका लागि सयद मोनिबले ६८ रन तथा परविन्दर कुमारले ५३ रन जोडे । यूएईका जुनैद सिद्दिकी र कार्थिक मैयप्पनले समान ३-३ विकेट हात पारे ।

---

यसअघि टस हारेर पहिले ब्याटिङ गरेको यूएईले निर्धारित ५० ओभरमा ६ विकेटको क्षतिमा ३ सय ७१ रन बनायो । यूएईका लागि भृत्य अरविन्दले १ सय ८५ रनको योगदान गरे । उनले १ सय ४६ बलको सामना गर्दा १७ चौका र ९ छक्का हिर्काए ।

रोहन मुस्तफाले १ सय २५ बलमा १ सय १८ रन जोड्दा १० चौका र ४ छक्का हिर्काए ।

कुवेतका शाहरुख कुडुस र परविन्दर कुमारले २-२ विकेट तथा यासिन पटेल र सयद मोनिबले १-१ विकेट हात पारे ।