ओमानविरुद्ध नेपाल : खाता नखोल्दै दुवै ओपनर आउट

काठमाडौँ- राजधानीमा जारी एसीसी प्रिमियर कप क्रिकेट प्रतियोगिताअन्तर्गत नेपालले ओमानविरुद्ध रनको खाता नखोल्दै दुबै ओपनिङ ब्याट्सम्यान गुमाएको छ ।

त्रिवि क्रिकेट मैदानमा टस हारेर पहिले ब्याटिङ गरेको नेपालले चौथो ओभरभित्रै दुई विकेट गुमाएको हो । चौथो ओभरको चौथो बलमा कलिमुल्लाहले आशिफ शेखलाई बोल्ड गरे ।

---

त्यसअघि ओमानका बिलाल खानले कुशल भुर्तेललाई आउट गरेका थिए ।

नेपाल ५० औँ एकदिवसीय अन्तर्राष्ट्रिय खेल्दैछ । प्रतियोगिताअन्तर्गत दुबै टोलीले लगातार दोस्रो जितको खोजिमा रहेका छन् ।

नेपालले पहिलो खेलमा मलेसियालाई ६ विकेटको जित हात पारेको थियो । यता ओमानले भने कतारलाई ४० रनले पाखा लगाएको थियो ।