आईपीएलः मुम्बईमाथि पञ्जाबको जित

काठमाडौँ- इन्डियन प्रिमियर लिगअन्तर्गत पञ्जाब किंग्सले चौथो जित हात पारेको छ । शनिबार राति वान्खेडे स्टेडियममा भएको खेलमा मुम्बई इन्डियन्सलाई १३ रनले पराजित गर्दै पञ्जाबले सात खेलमा चौथो जित हात पारेको हो । मुम्बईको भने यो ६ खेलमा तेस्रो पराजय हो ।

शनिबार राति २ सय १५ रनको लक्ष्य पछ्याएको मुम्बईले निर्धारित २० ओभरमा ६ विकेट गुमाएर २ सय १ रनमात्र जोड्न सक्यो । क्यामेरोन ग्रिनले ६७ रन त था सूर्यकुमार यादवले ५७ रन बनाएपनि मुम्बईलाई जित दिलाउन सकेनन् । पञ्जाबका अर्शदिप सिंहले सर्वाधिक ४ विकेट हात पारे ।

---

यसअघि टस हारेर पहिले ब्याटिङ गरेको पञ्जाबले निर्धारित २० ओभरमा ८ विकेट गुमाउँदै २ सय १४ रन जोड्यो । पञ्जाबका लागि कप्तान साम कुरानले सर्वाधिक ५५ रन तथा हरप्रित सिंहले ४१ रन बनाए । मुम्बईका लागि क्यामेरोन ग्रिन र पियुश चावलाले समान २-२ विकेट हात पारे ।

शनिबार नै गुजरात टाइटन्सले लखनउ सुपर जायन्ट्सलाई ७ रनले पाखा लगायो ।

आईपीएलमा आज दुई खेल हुने तालिका रहेको छ । पहिलो खेल रोयल च्यालेन्जर्स बैँग्लोर र राजस्थान रोयल्सबीच हुने छ । दोस्रो खेलमा कलकता नाइट राइडर्सले चेन्नई सुपर किंग्सको सामना गर्नेछ ।