नेपाल भर्सेस साउदीः नेपाललाई एक खेल अगावै सेमिफाइनल पुग्ने अवसर

काठमाडौँ- नेपालमा जारी एसीसी प्रिमियर कप क्रिकेट प्रतियोगिताअन्तर्गत आयोजक नेपालले सोमबार साउदी अरेबियाविरुद्ध खेल्दैछ । समूह ‘ए’ मा रहेका नेपाल र साउदी अरेबियाबीचको खेल मुलपानी क्रिकेट मैदानमा बिहान ९ बजेबाट सुरु हुनेछ ।

जारी प्रतियोगितामा नेपालले अघिल्ला दुवै खेलमा जित हात पारिसकेको छ । साउदी अरेबियाविरुद्ध जित हात पारे एक खेल अगावै नेपाल सेमिफाइनलमा पुग्नेछ ।

---

नेपालले पहिलो खेलमा मलेसियालाई ६ विकेटले पराजित गरेको थियो भने दोस्रो खेलमा ओमानविरुद्ध ८४ रनको जित हात पारेको थियो ।

साउदी अरेवियाले भने पहिलो खेलमा मलेसियासँग ८ विकेटको पराजय भोग्दा दोस्रो खेलमा कतारलाई ७ विकेटले पराजित गरेको थियो ।

समूह ‘ए’ मा नेपालले २ खेलबाट ४ अंक जोड्दा ओमानको ३ खेलमा ४ अंक छ । साउदी अरेवियाको २ खेलमा २ अंक तथा मलेसियाको ३ खेलमा २ अंक छ । कतारले दुवै खेलमा पराजय भोगेको छ ।