नेत्रहीन महिला क्रिकेटः भारतमाथि नेपालको शानदार जित

काठमाडौँ- दोस्रो नेपाल-भारत नेत्रहीन महिला टी-ट्वान्टी क्रिकेट सिरिजमा घरेलु टोली नेपालले भारतमाथि शानदार जित हात पारेको छ । पोखरा क्रिकेट मैदानमा भएको खेलमा नेपालले भारतमाथि ८ विकेटको जित हात पारेको हो ।

नेपालले १ सय ७४ रनको लक्ष्य २ विकेटको क्षतिमा पूरा गर्‍यो । नेपालको जितमा विनिता पुनले कीर्तिमानी पहिलो अन्तर्राष्ट्रिय शतक प्रहार गरिन् । उनले ५६ बलमा १ सय ११ रन बनाउँदा १७ चौका प्रहार गरिन् । विनिता शतक प्रहार गर्ने पहिलो खेलाडी बनेकी छन् ।

---

नेपालका लागि मनकेशरी चौधरीले ३२ रन तथा सरिता घिमिरेले २१ रन जोडे ।

यसअघि भारतले निर्धारित २० ओभरमा ७ विकेट गुमाएर १ सय ७३ रन बनायो । भारतका लागि उपकप्तान गंगावा निलप्पाले सर्वधिक ७२ रन तथा सिमु दासले २६ बनाए ।