मुलपानी मैदानमा पहिलो ओडिआई खेल ओमान र यूएईबीच हुने

काठमाडौँ- मुलपानीको माथिल्लो क्रिकेट मैदानमा हुने ओमान र युनाइटेड अरब इमिरेट्स (यूएई) बीचको खेल एकदिवसीय अन्तर्राष्ट्रिय मान्यता प्राप्त खेल हुने भएको छ । एसीसी प्रिमियर कप क्रिकेट प्रतियोगिताअन्तर्गत शनिबार ‌ओमान र यूएईबीच सेमिफाइनल खेल हुँदैछ ।

नेपाल क्रिकेट संघ (क्यान) का कार्यवाह सचिव दुर्गाराज पाठकले ओमान र यूएईबीच हुने खेल एकदिवसीय अन्तर्राष्ट्रिय मान्यता प्राप्त हुने बताए ।

---

माथिल्लो क्रिकेट मैदानमा पहिलो पटक एकदिवसीय मान्यता प्राप्त खेल हुन लागेको हो । ओमान र यूएई एकदिवसीय अन्तर्राष्ट्रिय मान्यता प्राप्त टिम हुन् ।

यससँगै एकदिवसीय अन्तर्राष्ट्रिय मान्यता प्राप्त गर्ने मुलपानी दोस्रो मैदान बन्नेछ । यसअघि त्रिवि क्रिकेट मैदानले एकदिवसीय अन्तर्राष्ट्रिय मान्यता पाएको थियो ।