यूएईले दियो ओमानलाई २३७ रनको लक्ष्य

काठमाडौँ- एसीसी प्रिमियर कप क्रिकेट प्रतियोगिताअन्तर्गत दोस्रो सेमिफाइनल खेलमा युनाइटेड अरब इमिरेट्स (यूएई) ले ओमानलाई २३७ रनको लक्ष्य दिएको छ ।

मुलपानी क्रिकेट मैदानमा टस हारेर पहिले ब्याटिङ गरेको यूएईले निर्धारित ४९ ओभर २ बलमा सबै विकेट गुमाएर २ सय ३६ रन जोड्यो । यूएईका लागि कप्तान मुहम्मद वासिमले ४८ रन तथा रमिज शेहजादले ४६ रन बनाए । आशिफ खानले ३४ रनको योगदान गरे । बासिल हमिदले ३४ रन जोडे ।

---

ओमानका कप्तान जिसन मक्सुद र विलाल खानले समान ४-४ विकेट तथा आयान खानले २ विकेट हात पारे ।