नेपाल र यूएईबीचको खेल वर्षाले प्रभावित

काठमाडौँ- एसीसी प्रिमियर कप क्रिकेट प्रतियोगिताअन्तर्गत नेपाल र युनाइटेड अरब इमिरेट्स (यूएई) बीचको फाइनल खेल वर्षाका कारण प्रभावित भएको छ ।

त्रिवि क्रिकेट मैदानमा टस हारेर यूएईले पहिले ब्याटिङ गरिरहँदा वर्षा सुरु भएको हो । वर्षाले खेल प्रभावित हुँदा यूएईले १६ ओभरमा ५ विकेट गुमाएर ६० रन जोडेको थियो ।

---

नेपालका लागि करण केसीले २ तथा सन्दीप लामिछाने, सोमपाल कामी र ललित राजवंशीले एक-एक विकेट हात पारेका छन् ।