क्रिकेट दर्शकलाई कमिटमेन्ट अवार्ड

काठमाडौँ- नेपाल क्रिकेट संघ (क्यान) ले नेपाली क्रिकेट दर्शकलाई अवार्ड प्रदान गरेको छ । त्रिवि क्रिकेट मैदानमा जारी एसीसी प्रिमियर कपअन्तर्गत नेपाल र युनाइटेड अरब इमिरेट्स (यूएई) बीचको फाइनल खेलका क्रममा क्रिकेटप्रति देखाएको लगाव र मायाका कारण क्यानले चार जनालाई कमिटमेन्ट अवार्ड प्रदान गरेको हो ।

क्यानले एक बालक, एक जेष्ठ नागरिक, एक महिला तथा एक पुरुषलाई सो अवार्ड प्रदान गरेको हो । नेपाली टिमका सदस्यद्वय ज्ञानेन्द्र मल्ल र दिपेन्द्र सिंह ऐरीले उनीहरूलाई अवार्ड प्रदान गरेका थिए ।

---