विश्वकपअघि अस्ट्रेलियाले दक्षिण अफ्रिकाको भ्रमण गर्ने

काठमाडौँ- भारतमा हुने आईसीसीको एकदिवसीय क्रिकेट विश्वकपअघि अस्ट्रेलियाले एकदिवसीय सिरिजका लागि दक्षिण अफ्रिकाको भ्रमण गर्ने भएको छ । दक्षिण अफ्रिका र अस्ट्रेलियाबीच पाँच खेलको एकदिवसीय सिरिज हुने आईसीसीले जनाएको छ ।

दक्षिण अफ्रिका र अस्ट्रेलियाबीच सेप्टेम्बर ७, ९, १२, १५ र १७ तारिखमा खेल हुने तालिका रहेको छ ।

---

भारतले अक्टोबर-नोभेम्बरमा एकदिवसीय विश्वकप आयोजना गर्दैछ । त्यसअघि दक्षिण अफ्रिका र अस्ट्रेलियाबीच सिरिज हुन लागेको हो ।

एकदिवसीय सिरिजअघि अस्ट्रेलियाले दक्षिण अफ्रिकाविरुद्ध ३ खेलको टी-ट्वान्टी सिरिज समेत खेल्दैछ । टी-ट्वान्टी सिरिज अगस्ट ३०, सेप्टेम्बर १ र ३ तारिखमा हुनेछ ।