आईपीएलः बैँग्लोरलाई पराजित गर्दै दिल्लीले हात पार्‍यो चौँथो जित

काठमाडौँ- इन्डियन प्रिमियर लिग (आईपीएल) मा दिल्ली क्यापिटल्सले चौँथो जित हात पारेको छ । शनिबार राति घरेलु मैदानमा रोयल च्यालेन्जर्स बैँग्लोरलाई ७ विकेटले पराजित गर्दै दिल्लीले १० खेलमा चौँथो जित हात पारेको हो । बैँग्लोरको भने १० खेलमा यो पाँचौ पराजय हो ।

शनिबार राति १ सय ८२ रनको लक्ष्य दिल्लीले १६ ओभर ४ बलमै ३ विकेट गुमाएर पूरा गर्‍यो । दिल्लीलाई जित दिलाउन फिल साल्टले ४५ बलमा ८७ रनको योगदान गर्दा ६ छक्का र ८ चौका हिर्काए ।

---

यसअघि टस जितेर पहिले ब्याटिङ रोजेको बैँग्लोरले निर्धारित २० ओभरमा ४ विकेट गुमाउँदै १ सय ८१ रन बनायो । उसका लागि विराट कोहलीले ५५ रन तथा महिपाल लोमरोरले ५४ रन जोडे । दिल्लीका मिचेल मार्सले सर्वाधिक २ विकेट हात पारे ।

शनिबार नै चेन्नई सुपर किंग्सले मुम्बई इन्डियन्सलाई ६ विकेटले पराजित गर्‍यो ।

आईपीएलमा आज पनि दुई खेल हुने तालिका रहेको छ । पहिलो खेलमा गुजरात टाइटन्सले लखनउ सुपर जायन्ट्सको सामना गर्नेछ । त्यसैगरी, दोस्रो खेल राजस्थान रोयल्स र सनराइजर्स हैदराबादबीच हुनेछ ।