आईपीएलः कलकतासँग पञ्जाब पराजित

काठमाडौँ- इन्डियन प्रिमियर लिग (आईपीएल) मा कलकता नाइट राइडर्सले पाँचौ जित हात पारेको छ । सोमबार राति घरेलु मैदान इडेन गार्डेन्समा पञ्जाब किंग्सलाई ५ विकेटले पराजित गर्दै कलकताले ११ खेलमा पाँचौ खेल जितेको हो । कलकताले ६ खेलमा पराजय भोगेको छ । यता पञ्जाबको ११ खेलमा यो छैटौ पराजय हो । उसले पाँच खेलमा जित हात पारेको छ ।  

सोमबार राति १ सय ८० रनको लक्ष्य कलकताले निर्धारित २० ओभरमा ५ विकेट गुमाएर पूरा गर्‍यो । कलकतालाई जित दिलाउन कप्तान नितिश राणाले सर्वाधिक ५१ रन तथा आन्द्रे रसलले ४२ रनको योगदान गरे । पञ्जाबका लागि राहुल चहरले सर्वाधिक २ विकेट लिए ।

---

यसअघि टस जितेर पहिले ब्याटिङ गरेको पञ्जाबले निर्धारित २० ओभरमा ७ विकेटको क्षतिमा १ सय ७९ रन जोड्यो । पञ्जाबका लागि कप्तान शिखर धवनले सर्वाधिक ५७ रन बनाए । कलकताका लागि वरुण चक्रवर्तीले सर्वाधिक ३ तथा हार्शित राणाले २ विकेट हात पारे ।

आईपीएलमा आज मुम्बई इन्डियन्सले रोयल च्यालेन्जर्स बैँग्लोरको सामना गर्नेछ ।