पाकिस्तानी ब्याटर जमानले जिते 'प्लेयर अफ द मन्थ' अवार्ड

काठमाडौँ- पाकिस्तानका ओपनिङ ब्याट्सम्यान फखर जमानले अप्रिल महिनाका लागि ‘आईसीसी मेन्स प्लेयर अफ द मन्थ’ को अवार्ड हात पारेका छन् । आईसीसीले मंगलबार सार्वजनिक गरेको नतिजा अनुसार जमानले सो अवार्ड जितेका हुन् ।

जमानले श्रीलंकाका स्पिनर प्रवाथ जयसुरिया तथा न्यूजिल्यान्डका ब्याट्सम्यान मार्क चापम्यानलाई पछि पार्दै प्लेयर अफ द मन्थको अवार्ड हात पारेका हुन् ।

---

गत महिना पाकिस्तानले न्यूजिल्यान्डविरुद्धको एकदिवसीय अन्तर्राष्ट्रियमा ३ सय ३७ रनको लक्ष्य पूरा गर्दा जमानले अविजित १ सय ८० रन बनाएका थिए । उनले सो क्रममा १७ चौका तथा ६ छक्का हिर्काएका थिए ।

उनले त्यसअघि अप्रिलमै न्यूजिल्यान्डविरुद्ध १ सय १७ रनको इनिङ्स समेत खेलेका थिए ।