अस्ट्रेलियाको बीग बास लिगमा खेल संख्या घटाइने

काठमाडौँ- अस्ट्रेलियामा आयोजना हुँदै आएको पुरुषको बीग बास लिग (बीबीएल) को १३ औँ संस्करणमा १७ खेल कम हुने भएको छ । नयाँ ‘टिभी राइट्स’ सम्झौता अनुसार १३ औँ संस्करणको बीबीएलमा फाइनलसहित ४४ खेल हुने क्रिकेट अस्ट्रेलियाले जनाएको छ ।

क्रिकेट अस्ट्रेलियाले जनाए अनुसार ४० वटा ‘होम एन्ड अवे’ तथा ४ वटा फाइनल्सका खेलहरु हुने छन् । यसअघि गत सिजन ५९ खेल भएको थियो ।

---

क्रिकेट अस्ट्रेलियाले सन् २०२४ देखि २०३०-३१ सम्मको बीबीएलका लागि फक्सटेल ग्रुप तथा सेभेन वेस्ट मिडियासँग सम्झौता गरेको छ ।

तर महिलाको बीबीएलमा भने ५९ खेल नै खेलाइने छ ।