आईपीएलः पञ्जाबको महत्वपूर्ण जित

काठमाडौँ- इन्डियन प्रिमियर लिग (आईपीएल) मा पञ्जाब किंग्सले महत्वपूर्ण जित हात पारेको छ । शनिबार राति अरुण जेट्ली स्टेडियममा घरेलु टोली दिल्ली क्यापिटल्सलाई ३१ रनले पराजित गर्दै पञ्जाबले महत्वपूर्ण जित हात पारेको हो ।

जारी लिगमा पञ्जाबले १२ मध्ये ६ खेलमा जित हात पार्दै १२ अंक जोडेको छ । पञ्जाब तालिकाको छैटौ स्थानमा छ । यता दिल्लीको भने यो ८ औँ पराजय हो । चार जित हात पारेको दिल्ली ८ अंकसहित तालिको पुछारमा छ ।

---

शनिबार राति १ सय ६८ रनको लक्ष्य पछ्याएको दिल्लीले निर्धारित २० ओभरमा ८ विकेट गुमाएर १ सय ३६ रनमात्र जोड्न सक्यो । दिल्लीका कप्तान डेभिड वार्नरले सर्वाधिक ५४ रन बनाए । पञ्जाबका हरप्रित बरारले सर्वाधिक ४ विकेट हात पारे ।

यसअघि टस हारेर पहिले ब्याटिङ गरेको पञ्जाबले ७ विकेटको क्षतिमा १ सय ६७ रन बनायो । पञ्जाबका लागि प्रभसिमरन सिंहले ६५ बलमा १० चौका र ६ छक्काको मदतमा १ सय ३ रन बनाए ।

शनिबार नै लखनउ सुपर जायन्ट्सले सनराइजर्स हैदराबादलाई ७ विकेटले पराजित गर्‍यो ।

आईपीएलमा आज पनि दुई खेल हुने तालिका रहेको छ । पहिलो खेल राजस्थान रोयल्स र रोयल च्यालेन्जर्स बैँग्लोरबीच हुने छ । दोस्रो खेल चेन्नई सुपर किंग्स र कलकता नाइट राइडर्सबीच हुने तालिका रहेको छ ।