आईसीसी टी-ट्वान्टी वरीयताः नेपाल एक स्थान तल झर्‍यो

काठमाडौँ- आईसीसीको टी-ट्वान्टी वरीयतामा नेपाल एक स्थान तल झरेको छ । आईसीसीको ‘अपडेट’ गरेको पछल्लो वरीयताअनुसार नेपाल एक स्थान तल अर्थात १७ औँ स्थानमा झरेको हो ।

नेपाल यसअघि १६ औँ स्थानमा थियो । यूएई १६ औँ स्थानमा छ । नामिबिया (१३), स्कटल्यान्ड (१४) तथा नेदरल्यान्ड्स (१५) पनि वरीयतामा नेपालभन्दा माथि रहेका छन् ।

---

भारत, इंग्ल्यान्ड र न्यूजिल्यान्ड वरीयताको शीर्ष तीनमा रहेका छन् ।

टी-ट्वान्टीको ब्याटिङतर्फको वरीयतामा दिपेन्द्र सिंह ऐरी ६२ औँ तथा बलिङतर्फ सन्दीप लामिछाने ७० औँ स्थानमा छन् । अलराउन्डरतर्फ दिपेन्द्र सिंह ऐरी १४ औँ स्थानमा छन् ।