आईपीएलः फाइनल प्रवेशका लागि गुजरात र चेन्नई भिड्दै

काठमाडौँ- इन्डियन प्रिमियर लिग (आईपीएल) को फाइनल प्रवेशका लागि आज गुजरात टाइटन्स र चेन्नई सुपर किंग्सबीच खेल हुँदैछ । साविक विजेता गुजरात तथा चेन्नईबीचको पहिलो क्वालिफायर चेन्नईमा नेपाली समयअनुसार साँझ ७:४५ बजेबाट सुरु हुनेछ ।

गुजरात अंक तालिकाको शीर्ष स्थान तथा चेन्नई दोस्रो स्थानमा रहेर क्वालिफायरमा स्थान सुरक्षित गरेका हुन् । गुजरातले १४ मध्ये १० खेलमा जित हात पार्दै २० अंक जोड्यो भने चेन्नईले ८ खेलमा जित तथा एक खेलमा अंक बाँडेर १७ अंक बटुल्यो ।

---

लखनउ सुपर जायन्ट्सले १७ अंक जोडेपनि नेट रन रेटमा भने चेन्नई भन्दा पछि पर्‍यो । मुम्बईले भने ८ खेल जित्दै १६ अंकका साथ प्लेअफमा स्थान बनायो ।

गुजरात र चेन्नईबीचको खेलको विजेता फाइनलमा पुग्दा पराजित हुने टिमले फाइनलका लागि अर्को अवसर पाउनेछ । पराजित हुनेले दोस्रो क्वालिफायर खेलमा लखनउ र मुम्बईबीच हुने खेलको विजेतासँग खेल्नेछ ।

लखनउ र मुम्बईबीचको एलिमिनेटर खेल भने बुधबार हुनेछ ।