विश्वकप छनोटः नेदरल्यान्ड्सको टिम घोषणा, नेपालविरुद्ध जुन २४ मा खेल्ने

काठमाडौँ- जिम्बाब्वेमा जुन १८ देखि जुलाई ९ तारिखसम्म आयोजना हुने आईसीसी पुरुष क्रिकेट विश्वकप छनोटका लागि नेदरल्यान्ड्सले टिमको घोषणा गरेको छ । नेदरल्यान्ड्सले स्कट इडवार्ड्सको कप्तानीमा १५ सदस्यीय टिमको घोषणा गरेको हो ।

विश्वकप छनोटका लागि नेदरल्यान्ड्स समूह ‘ए’ मा रहेको छ । यस समूहमा आयोजक जिम्बाब्वेसँगै वेस्ट इन्डिज, नेपाल र अमेरिका पनि रहेका छन् । समूह चरणको पहिलो खेल नेदरल्यान्ड्सले जिम्बाब्वेविरुद्ध जुन २० मा खेल्नेछ । उसले दोस्रो खेल अमेरिकाविरुद्ध जुन २२, तेस्रो खेल नेपालविरुद्ध जुन २४ तथा समूह चरणको अन्तिम खेल वेस्ट इन्डिजविरुद्ध जुन २६ मा खेल्ने तालिका रहेको छ ।

---

नेदरल्यान्ड्सको टिमः

कप्तान तथा विकेट किपर स्कट इडवार्ड्स, म्याक्स ओ’डाउड, लोगान भान विक, विक्रम सिंह, आर्यन दत्त, भिभ किंग्मा, बास डी लिडे, नोआह क्रोएस, र्‍यान क्लेन, तेजा निदामानुरु, वेस्ली बरेसी, सारिज अहमद, क्लायटन फ्लोयड, माइकल लेभिट तथा सकिव जुल्फिकार ।