विश्वकप छनोटका लागि आयरल्यान्डको टिम घोषणा

काठमाडौँ- जिम्बाब्वेमा जुन १८ देखि जुलाई ९ सम्म आयोजना हुने आईसीसी पुरुष क्रिकेट विश्वकप छनोटका लागि आयरल्यान्डले टिमको घोषणा गरेको छ । क्रिकेट आयरल्यान्डले बुधबार एन्ड्रयू बालबिर्नीको कप्तानीमा १५ सदस्यीय टिमको घोषणा गरेको हो ।

विश्वकप छनोटका लागि आयरल्यान्ड समूह ‘बी’ मा रहेको छ । यस समूहमा श्रीलंका, स्कटल्यान्ड, ओमान र यूएई पनि रहेका छन् ।

---

आयरल्यान्डले पहिलो खेल ओमानविरुद्ध जुन १९, दोस्रो खेल स्कटल्यान्डविरुद्ध जुन २१, तेस्रो खेल श्रीलंकाविरुद्ध जुन २५ तथा चौँथो खेल यूएईविरुद्ध जुन २७ मा खेल्ने तालिका रहेको छ ।

आयरल्यान्डको टिमः

कप्तान एन्ड्रयू बालबिर्नी, मार्क अडायर, कर्टिस काम्पेर, गारेथ डिलेनी, जर्ज डकरेल, ग्राहम ह्यूम, जोश लिटल, एन्डी म्याकब्राइन, ब्यारी म्याककार्थी, पीजे मुर, पल स्टिरलिङ, ह्यारी टेक्टर, लोरकन टकर, बेन ह्वाइट र क्रेग योङ्ग ।