जेम्स एन्डरसनको 'फर्स्ट क्लास' क्रिकेटमा ११ सय विकेट पूरा

काठमाडौँ- इंग्ल्यान्डका फास्ट बलर जेम्स एन्डरसनले आइतबार ‘फर्स्ट क्लास’ क्रिकेटमा ११ सय विकेट पूरा गरेका छन् । अस्ट्रेलियाविरुद्धको एशेज टेस्ट सिरिजको पहिलो खेलमा ४० वर्षीय एन्डरसनले एलेक्स केरीको विकेट लिएर ११ सय विकेट पूरा गरेका थिए ।

सन् २००२ मा फर्स्ट क्लास डेब्यु गरेका एन्डरसनले २ सय ८९ खेलमा ११ सय विकेट लिएका हुन् । एन्डरसनको उत्कृष्ट बलिङ भनेको ७ विकेट लिएर १९ रन मात्र खर्चेको छ । उनले फर्स्ट क्लास क्रिकेटमा ५४ पटक पाँच विकेट र ६ पटक दश विकेट लिएका छन् ।

---

एशेज टेस्ट सिरिजको पहिलो खेलको तेस्रोको समाप्तीमा इंग्ल्यान्डले दोस्रो इनिङ्समा ३५ रनको अग्रता लिएर ब्याटिङ गरिरहेको छ । इंग्ल्यान्डले दोस्रो इनिङ्समा मात्र २८ रन जोड्दा २ विकेट गुमाएको छ ।

यसअघि टस जितेर पहिले ब्याटिङ गरेको इंग्ल्यान्डले ८ विकेट गुमाएर ३९३ रन बनाई पहिलो इनिङ्स समाप्तीको घोषणा गरेको थियो । जबाफमा अस्ट्रेलियाले सबै विकेट गुमाएर ३८६ रन बनाएको थियो ।

चौँथो दिन आज नेपाली समय अनुसार दिउसो ३:४५ मा सुरु हुनेछ ।