भारतले जित्यो इमर्जिङ टिम्स एसिया कपको उपाधि

काठमाडौँ- भारत ‘ए’ ले एसीसी इमर्जिङ टिम्स एसिया कप क्रिकेटको उपाधि जितेको छ । हङकङमा बुधबार भएको फाइनलमा बंगलादेश ‘ए’ लाई ३१ रनले पराजित गर्दै भारतले उपाधि जितेको हो ।

१ सय २८ रनको लक्ष्य पछ्याएको बंगलादेशले १९ ओभर २ बलमा सबै विकेट गुमाएर ९६ रनमात्र बनाउन सक्यो । बंगलादेशका लागि नहिदा अक्तरले १७ रन तथा सोभाना मोस्तारीले १६ रन जोडे । भारतका लागि श्रेयांका पाटिलले सर्वाधिक ४ तथा मन्नत कश्यपले ३ विकेट लिए ।

---

यसअघि टस जितेर पहिले ब्याटिङ गरेको भारतले निर्धारित २० ओभरमा ७ विकेट गुमाएर १ सय २७ रन बनायो । भारतका लागि दिनेश भृन्दाले सर्वाधिक ३६ तथा कनिका अहुजाले ३० रन बनाए । बंगलादेशका लागि नहिदा अक्तर र सुल्ताना खातुनले समान २-२ विकेट हात पारे ।