इंग्लिस ब्याटर रुट टेस्ट वरीयताको शीर्ष स्थानमा

काठमाडौँ- इंग्ल्यान्डका ब्याट्सम्यान जो रुट टेस्ट क्रिकेटको ब्याटिङतर्फको वरीयताको शीर्ष स्थानमा उक्लिएका छन् । आईसीसीले सार्वजनिक गरेको नयाँ वरीयताअनुसार रुट ब्याटिङतर्फको वरीयतामा पाँच स्थानमाथि उक्लँदै शीर्ष स्थानमा उक्लिएका हुन् ।

अस्ट्रेलियाविरुद्धको एसेज टेस्ट सिरिजको पहिलो खेलमा शतक प्रहार गरेपछि रुट शीर्ष स्थानमा उक्लिएका हुन् । यता ६ महिनाभन्दा बढी समय शीर्ष स्थानमा रहेका अस्ट्रेलियाका ब्याटर मार्नस लाबुसेन भने तेस्रो स्थानमा झरेका छन् ।

---

न्यूजिल्यान्डका केन विलियम्सन दोस्रो स्थानमा उक्लिएका छन् । अस्ट्रेलियाकै स्टिभ स्मिथ चारस्थान तल छैटौ स्थानमा झरेका छन् ।

बलिङतर्फ भारतीय बलर रविचन्द्र आश्विन शीर्ष स्थानमा छन् । इंग्ल्यान्डका जेम्स एन्डरसन दोस्रो तथा दक्षिण अफ्रिकाका कागिसो रबाडा तेस्रो स्थानमा छन् ।