एकदिवसीयमा आशिफ र रोहितको एउटै वरीयता

काठमाडौँ- आईसीसीको एकदिवसीय अन्तर्राष्ट्रियतर्फको ब्याटिङतर्फको वरीयतामा नेपालका आशिफ शेख र कप्तान रोहित पौडेल एकै स्थानमा परेका छन् । आईसीसीले सार्वजनिक गरेको नयाँ वरीयताअनुसार एकदिवसीयको ब्याटिङतर्फ आशिफ र रोहित ६८ औँ स्थानमा रहेका छन् ।

ब्याटिङतर्फ शीर्ष एक सयभित्र केवल दुई ब्याटरमात्र परेका छन् ।

---

बलिङतर्फ भने चार खेलाडी रहेका छन् । सन्दीप लामिछाने २४ औँ स्थानमा रहँदा दिपेन्द्र सिंह ऐरी ५७ औँ, सोमपाल कामी ६७ औँ तथा करण केसी ९२ औँ स्थानमा छन् ।

टी-ट्वान्टीको ब्याटिङतर्फ भने दिपेन्द्र सिंह ऐरी ६२ औँ स्थानमा रहँदा बलिङतर्फ सन्दीप लामिछाने ७० औँ स्थानमा छन् ।