अस्ट्रेलियन बलर लायनले एशेज सिरिजको बाँकी सबै खेल गुमाउने

काठमाडौँ- अस्ट्रेलियन बलर नाथन लायनले इंग्ल्यान्डविरुद्ध जारी एशेज सिरिजको बाँकी सबै खेल गुमाउने भएका छन् । अस्ट्रेलियाका लागि लगातार १०० औँ टेस्ट खेल्ने क्रममा दोस्रो टेस्टको दोस्रो दिन खेल चलिरहँदा लायन घाइते भएका थिए ।

क्रिकेट अस्ट्रेलियाका अनुसार लायनले एशेज सिरिजको बाँकी तीन खेल गुमाउने छन् । लर्ड्स टेस्टको अस्ट्रेलियाको दोस्रो इनिङ्समा दाहिने खुट्टामा चोटको बाबजुत उनी ब्याटिङ गर्न आएका थिए । 

---

जारि एशेज सिरिजको दोस्रो खेल पनि बिजेता भएको अस्ट्रेलियाले ५ खेलको सिरिजमा २-० को अग्रता लिइसकेको छ । अस्ट्रेलियाले आइतबार दोस्रो टेष्टको अन्तिम दिनमा इंग्ल्यान्डलाई ४३ रनको रोमाञ्चक जित निकालेको थियो । 

अस्ट्रेलियाले तेस्रो टेस्टका लागि टोली सार्वजनिक गरेको छ । लायन बिनाको अस्ट्रेलियाको टोलीमा प्याट कमिन्स, स्कट बोल्यान्ड, एलेक्स क्यारी, क्यामरन ग्रीन, मार्कस ह्यारिस, जोस हेजलवुड, ट्राभिस हेड, जोस इन्ग्लिस, उस्मान ख्वाजा, मार्नस लाबुस्चेन, मिच मार्स, टोड मर्फी, माइकल नेसेर, जिमी पियरसन, स्टीभ स्मिथ, मिचेल स्टार्क र डेभिड वार्नर छन् ।

एशेज सिरिजको तेस्रो खेल बिहीबार बाट सुरु हुँदैछ ।