दिपेन्द्र बने नेपालका लागि ५० औँ एकदिवसीय अन्तर्राष्ट्रिय खेल्ने दोस्रो खेलाडी

काठमाडौँ- नेपाली राष्ट्रिय क्रिकेट टिमका अलराउन्डर दिपेन्द्र सिंह ऐरी नेपालका लागि ५० औँ एकदिवसीय अन्तर्राष्ट्रिय क्रिकेट खेल्ने दोस्रो खेलाडी बनेका छन् ।

जिम्बाब्वेमा जारी आईसीसी पुरुष क्रिकेट विश्वकप छनोटअन्तर्गत आयरल्यान्डविरुद्ध दिपेन्द्रले नेपालका लागि ५० औँ खेल खेल्न लागेका हुन् । उनी नेपालको प्लेईङ-११ मा परेका छन् ।

---

यसअघि कप्तान रोहित पौडेलले नेपालका लागि ५० औँ एकदिवसीय अन्तर्राष्ट्रिय क्रिकेट खेल्ने पहिलो खेलाडी बनेका थिए । रोहितले कीर्तिमानी ५० औँ एकदिवसीय नेदरल्यान्ड्सविरुद्ध पूरा गरे ।

नेपालले ५७ औँ एकदिवसीय अन्तर्राष्ट्रिय खेल्दै गर्दा दिपेन्द्रले ५० औँ एकदिवसीय खेलिरहेका हुन् । दिपेन्द्रले नेपालका लागि ८५७ रन बनाएका छन् । उनले १ शतक र ३ अर्धशतक हिर्काएका छन् । दिपेन्द्रले ३६ विकेट पनि लिएका छन् ।