सन्दीपको एकदिवसीय वरीयतामा सुधार

काठमाडौँ- नेपाली लेग स्पिनर सन्दीप लामिछानेको एकदिवसीय अन्तर्राष्ट्रिय वरीयतामा सुधार भएको छ । आईसीसीले सार्वजनिक गरेको नयाँ वरीयताअनुसार सन्दीप वरीयतामा पाँच स्थान माथि उक्लिएका छन् ।

यसअघि २९ औँ स्थानमा झरेका सन्दीप २४ औँ स्थानमा उक्लिएका छन् । यता दिपेन्द्र सिंह ऐरी तीन स्थान तल ६२ औँ स्थानमा झरेका छन् । उनी यसअघि ५९ औँ स्थानमा थिए ।

---

त्यसैगरी, सोमपाल कामी ७४ औँ स्थानबाट ७८ औँ स्थानमा झर्दा करण केसी ९२ औँ स्थानबाट ८५ औँ स्थानमा उक्लिएका छन् ।

ललित राजवंशी ९५ औँ स्थानबाट ९८ औँ स्थानमा झरेका छन् ।

ब्याटिङतर्फ कप्तान रोहित पौडेल ७० औँ स्थानबाट ७३ औँ स्थान तथा आशिफ शेख ७२ औँ स्थानबाट ७७ औँ स्थानमा झरेका छन् ।