एकै ओभरमा इन्दूको ३ विकेट, कतारले दियो नेपाललाई ७५ रनको लक्ष्य

काठमाडौं– मलेसियामा जारी आइसिसी महिला टि२० विश्वकप एसिया क्षेत्र छनोट खेलमा नेपाललाई ७५ रनको लक्ष्य दिएको छ । 

टस हारेर पहिला ब्याटिङको निम्तो पाएको कतारले निर्धारित २० ओभरमा ७ विकेट गुमाउँदै ७४ रन बनाउँदा नेपालकी इन्दू बर्माले उत्कृष्ट बलिङ गरिन् । इन्दुले ४ ओभरमा १० रन खर्चेर ३ विकेट लिइन् । 

---

कतारकी साची धडवालले सर्वाधिक २१ रन बनाइन् । उनले ४४ बलमा १ चौकासहित २१ रनको योगदान दिएकी हुन् । उनलाई इन्दुले एलबीडब्लू धरापमा परिन् ।
१७ औं ओभरकोे तेस्रो बलमा साची, पाँचौं बलमा ट्रप्टी काले र अन्तिम बलमा श्रुतिबेन कमलेशभाइ रानालाई इन्दुले आउट गरेकी थिइन् । कतारकी ओपनर एलिना खान २५ बलमा १ चौकासहित १५ रनमा आउट भइन् । उनलाई पनि इन्दूले आउट बनाएकी हुन्।

ओपनर खदिजा अहमद ४ बलमा १ चौका हिर्काएर पवेलियनन फर्किइन् । उनी पूजा महतोको बलमा एलबीडब्लू शिकार भइन् । एन्जिलेने मारे १८ बलमा २ चौकासहित १४ रनमा नट आउट रहिन् । नेपालका लागिपूजा महतो र कविता जोशीले थप एक एक विकेट लिए ।