एपेक्स आईसीसी कप क्रिकेटः एस कलेज विजयी

काठमाडौँ- एपेक्स आईसीसी कप क्रिकेट प्रतियोगिताअन्तर्गत एस कलेजले जित हात पारेको छ ।

समूह ‘बी’ अन्तर्गत आइतबार भएको खेलमा एस कलजले इस्लिङ्टन कलेजलाई ३ रनले पराजित गरेको हो ।

---

जितका लागि १ सय १८ रनको लक्ष्य पछ्याएको इस्लिङ्टनले निर्धारित २० ओभरमा ९ विकेट गुमाएर १ सय १४ रन बनायो ।

इस्लिङ्टनका लागि प्रथम अग्रवालले सर्वाधिक ३२ रन बनाए । एस कलेजका लागि हारास पोदरले सर्वाधिक ३ विकेट हात पारे ।

यसअघि टस हारेर पहिले ब्याटिङ गरेको एस कलेजले ८ विकेटको क्षतिमा १ सय १७ रन बनायो । एस कलेजका लागि रेउल श्रेष्ठले २९ रन बनाए । इस्लिङ्टनका शुभमले २ विकेट लिए ।