क्रिकेट विश्वकपः दक्षिण अफ्रिका र नेदरल्यान्ड्सबीचको खेल आज

काठमाडौँ- भारतमा जारी आईसीसी एकदिवसीय क्रिकेट विश्वकपअन्तर्गत आज दक्षिण अफ्रिका र नेदरल्यान्ड्सबीच खेल हुँदैछ ।

दक्षिण अफ्रिका र नेदरल्यान्ड्सबीचको खेल धरमशालास्थित हिमाचल प्रदेश क्रिकेट एसोसियसन स्टेडियममा नेपाली समयअनुसार दिउँसो २:१५ बजेबाट सुरु हुनेछ ।

---

विश्वकपअन्तर्गत दक्षिण अफ्रिकाले खेलेका अघिल्ला दुवै खेलमा जित हात पारेको छ भने नेदरल्यान्ड्सले दुवै खेलमा पराजय भोगेको छ ।

यसअघि सोमबार भएको खेलमा अस्ट्रेलियाले श्रीलंकालाई ५ विकेटले पराजित गर्दै पहिलो जित दर्ता गरेको थियो ।

श्रीलंकाले दिएको २ सय १० रनको लक्ष्य अस्ट्रेलियाले ३५ ओभर २ बलमा ५ विकेट गुमाएर पूरा गर्‍यो ।

जारी विश्वकपमा श्रीलंकाको यो लगातार तेस्रो पराजय हो ।