टी-२० विश्वकप छनोट : नेपालले टस जित्यो, ओमनलाई दियो ब्याटिङको निम्तो

काठमाडौँ- आईसीसी टी-२० विश्वकप एसिया छनोटअन्तर्गत नेपालले समूह चरणको अन्तिम खेलमा ओमनविरुद्ध टस जितेर फिल्डिङ गर्ने भएको छ । आज बिहान ९ बजे कीर्तिपुरस्थित त्रिवि अन्तर्राष्ट्रिय क्रिकेट मैदानमा नेपाल र ओमनबीच खेल सुरू हुँदैछ । नेपालले ओमनलाई ब्याटिङको निम्तो दिएको छ ।

नेपाल र ओमनले सिंगापुर र मलेसियालाई हराउँदै एक खेलअघि नै अन्तिम चारमा स्थान सुरक्षित गरेका थिए ।

---

नेपालले सिंगापुरलाई ८ विकेटले पराजित गरेको थियो । त्यस्तै नेपालले मलेसियालाई ६ विकेटले पराजित गरेको थियो ।

ओमनले मलेसियालाई ३२ रनले हराएको थियो भने सिंगापुरलाई २२ रनले हराएको थियो ।