क्रिकेट विश्वकपः शीर्ष स्थानका लागि भारत र दक्षिण अफ्रिका भिड्दै

काठमाडौँ- भारतमा जारी आईसीसी एकदिवसीय क्रिकेट विश्वकपअन्तर्गत आज आयोजक भारतले दक्षिण अफ्रिकाको सामना गर्दैछ ।

भारत र दक्षिण अफ्रिकाबीचको खेल कोलकातास्थित इडेन गार्डेन्समा नेपाली समयअनुसार दिउँसो २:१५ बजेबाट सुरु हुनेछ ।

---

सेमिफाइनलमा स्थान सुरक्षित गरिसकेका भारत र दक्षिण अफ्रिकाबीचको खेलले अंक तालिकाको शीर्ष स्थानमा कुन टिम रहने भन्ने पनि लगभग टुंगो लगाउनेछ ।

यसअघि खेलेका सातवटै खेलमा जित हात पार्दै १४ अंकसहित भारत शीर्ष स्थानमा छ । यता सातमध्ये ६ खेल जितेको दक्षिण अफ्रिका १२ अंकसहित तालिकाको दोस्रो स्थानमा छ ।

आजको खेलमा दक्षिण अफ्रिकाले जित हात पारेको खण्डमा नेट रनरेटका आधारमा शीर्ष स्थानमा उक्लिनेछ । यदि भारतले आज दक्षिण अफ्रिकालाई पराजित ऊ शीर्ष स्थानमा रहेर सेमिफाइनल खेल्ने छ ।