टी-ट्वान्टी अन्तर्राष्ट्रियमा गुल्सन झाको पहिलो अर्धशतक

काठमाडौँ- नेपाली राष्ट्रिय क्रिकेट टिमका अलराउन्डर गुल्सन झाले टी-ट्वान्टी अन्तर्राष्ट्रियमा पहिलो अर्धशतक पूरा गरेका छन् ।

कीर्तिपुरस्थित त्रिवि क्रिकेट मैदानमा जारी आईसीसी टी-ट्वान्टी क्रिकेट विश्वकप एसिया क्षेत्रीय छनोटको फाइनलमा गुल्सनले अर्धशतक पूरा गरेका हुन् ।

---

फाइनलमा नेपाल र ओमानबीच खेल जारी छ । सोही खेलमा पहिले ब्याटिङ गरिरहेको नेपालका लागि गुल्सनले २० बलमै अर्धशतक पूरा गरे । २५ बलमा खेल्दै ५४ रनको योगदान गर्दा गुल्सनले ५ चौका र ४ छक्का हिर्काए ।

उनले १४ औँ टी-ट्वान्टी अन्तर्राष्ट्रिय खेलिरहेका छन् । उनले यसअघि सर्वाधिक ३५ रन बनाएका थिए ।