विराट कोहली भन्छन्, ‘आफ्नै हिरोको कीर्तिमान बराबर गर्नु ठूलो सम्मान हो’

काठमाडौँ- भारतीय क्रिकेट टिमका ब्याट्सम्यान विराट कोहलीले सचिन तेन्दुलकरको कीर्तिमान बराबरी गर्नु आफ्ना लागि ठूलो सम्मान भएको बताएका छन् ।

भारतमा जारी आईसीसी एकदिवसीय क्रिकेट विश्वकपअन्तर्गत आइतबार दक्षिण अफ्रिकाविरुद्ध घरेलु टोली भारतले २ सय ४३ रनले पराजित गर्दा कोहलीले शतक पूरा गरेका थिए ।

---

एकदिवसीय अन्तर्राष्ट्रियमा कोहलीको यो ४९ औँ शतक हो । यससँगै कोहलीले एकदिवसीय अन्तर्राष्ट्रियमा पूर्व भारतीय महान क्रिकेटर सचिनले बनाएको शतकको बराबरी हो ।

कोहलीले अब एक शतक प्रहार गरेको खण्डमा उनी एकदिवसीय अन्तर्राष्ट्रियमा सर्वाधिक शतक प्रहार गर्ने विश्व कीर्तिमान कायम गर्नेछन् ।

सचिनको कीर्तिमान बराबरी गरेसँगै कोहलीले आफ्नै हिरोको कीर्तिमान बराबर गर्नु आफ्ना लागि ठूलो सम्मान भएको बताए ।

कोहलीले आफ्नो जन्म दिनमै दक्षिण अफ्रिकाविरुद्ध शतक प्रहार गरेका हुन् ।