ब्याटिङका लागि क्रिजमा आएका म्याथ्यूज खेल्दै नखेली कसरी आउट भए ?

काठमाडौँ- भारतमा जारी आईसीसी एकदिवसीय क्रिकेट विश्वकपअन्तर्गत क्रिकेट इतिहासकै पहिलो तथा अनौठो आउट दिइएको छ ।

नयाँ दिल्लीमा जारी बंगलादेश र श्रीलंकाबीचको खेलका क्रममा क्रिजमा आइसकेका श्रीलंकाका ब्याटर एन्जेलो म्याथ्यूज बल खेल्दै नखेली आउट भएका छन् ।

---

आईसीसीको नियमअनुसार एक खेलाडी आउट भएको अवस्थामा नयाँ ब्याटर दुई मिनेटभित्रै ब्याटिङका लागि तयार हुनुपर्छ ।

तर म्याथ्यूजको हेलमेट बिग्रिएका कारण उनी निर्धारित समयमा ब्याटिङका लागि तयार हुन सकेनन् र बंगलादेशका खेलाडीले त्यसविरुद्ध अपिल गरेका थिए । टाइम आउटका कारण उनी आउट भएका हुन् ।

जसका कारण अम्पायरले म्याथ्यूज आउट भएको निर्णय गरेका थिए । क्रिकेट खेलमा यो पहिलो घटना हो ।