दक्षिण अफ्रिकाले भारतलाई पाँच विकेटले हरायो

काठमाडौँ- दक्षिण अफ्रिकाले जारी टी-२० सिरिजको दोस्रो खेलमा भारतलाई पराजित गरेको छ ।

गएराति सम्पन्न खेलमा दक्षिण अफ्रिकाले भारतलाई डीएल मेथडअनुसार पाँच विकेटले पराजित गरेको हो ।

---

वर्षाले प्रभावित खेलमा भारतले १५ ओभरमा दिएको १५२ रनको लक्ष्य दक्षिण अफ्रिकाले १३.५ ओभरमा ५ विकेट गुमाएर पुरा गरेको थियो ।

यसअघि भारतले पहिला ब्याटिङ गर्दै १९.३ ओभरमा ७ विकेट गुमाउँदै १८० रन बनाएपछि खेल वर्षाले रोकिएको थियो । त्यसपछि खेल १५ ओभरमा घटाएर दक्षिण अफ्रिकालाई १५२ रनको लक्ष्य दिइएको थियो ।

यसअघि सिरिजको पहिलो खेल वर्षाले रद्ध भएको थियो ।

अब सिरिजको तेस्रो खेल बिहीबार हुँदैछ ।