काठमाडौँ- दक्षिण अफ्रिकामा जारी आईसीसी यू-१९ क्रिकेट विश्वकपअन्तर्गत अफगानिस्तानले नेपाललाई १ सय ४६ रनको लक्ष्य दिएको छ ।

इस्ट लन्डनस्थित बफ्यालो पार्कमा टस जितेर पहिले ब्याटिङ गरेको अफगानिस्तानले ४० ओभर १ बलमा सबै विकेट गुमाएर १ सय ४५ रनमात्र बनाउन सक्यो ।

---

अफगानिस्तानका लागि अलाह मोहम्मद घजनफरले ३७ रन तथा सहन एइसाखिलले २० रन बनाए । कप्तान नसिर खानले ३१ रन बनाए । फरिदुन दाउदजाइले २९ रनको योगदान गरे ।

नेपालका लागि आकाश चन्दले ५ विकेट र दिपेश कँडेलले २ तथा सुवाश भण्डारी, गुल्सन झा र तिलक भण्डारी १-१ विकेट हात पारे ।

समूह 'डी' मा रहेका नेपाल र अफगानिस्तानले यसअघिका दुवै खेलमा पराजय भोगिसकेका कारण सुपर सिक्समा पुग्न दुवै टोलीलाई आज जितको आवश्यकता रहेको छ ।

यसअघि नेपाल र अफगानिस्तान दुवैले न्यूजिल्यान्ड र पाकिस्तानसँग हार बेहोरेको थियो ।