लुम्बिनीलाई हराउँदै पुलिसले दर्ता गर्‍यो लगातार आठौं जित

काठमाडौँ- पीएम कप पुरुष राष्ट्रिय क्रिकेट प्रतियोगिताअन्तर्गत नेपाल पुलिस क्लबले लगातार आठौं जित हात पारेको छ ।

काठमाडौँको मुलपानी क्रिकेट मैदानमा बुधबार भएको खेलमा लुम्बिनी प्रदेशलाई १ सय ३ रनले पराजित गर्दै पुलिसले लगातार आठौं जित दर्ता गरेको हो । पुलिसले यसअघि नै प्रतियोगिताको फाइनलमा स्थान सुरक्षित गरिसकेको थियो । यता लुम्बिनीको यो ९ खेलमा आठौं पराजय हो ।

---

बुधबारको खेलमा २ सय ४६ रनको लक्ष्य पछ्याएको लुम्बिनीले ३६ ओभर ३ बलमा सबै विकेट गुमाएर १ सय ४२ रनमात्र बनायो ।  

लुम्बिनीका लागि दिलसाद अलीले सर्वाधिक ३६ रन बनाए । पुलिसका लागि कुशल भुर्तेलले सर्वाधिक ३ तथा करण केसीले २ विकेट हात पारे ।

यसअघि टस जितेर पहिले ब्याटिङ गरेको पुलिसले निर्धारित ३८ ओभरको ३ बल बाँकी छदाँ सबै विकेट गुमाएर २ सय ४५ रन बनायो ।

पुलिसका लागि कप्तान आरिफ शेखले ७६ रन, करण केसीले ५७ रन तथा कुशल भुर्तेलले ४८ रन बनाए । लुम्बिनीका लागि नर सार्कीले ४ तथा विर मगरले ३ विकेट हात पारे ।