सचिन र उदयको शतकमा भारतले नेपाललाई दियो २९८ रनको बलियो लक्ष्य

काठमाडौँ- दक्षिण अफ्रिकामा जारी आईसीसी यू-१९ क्रिकेट विश्वकपको सुपर सिक्सअन्तर्गत भारतले नेपाललाई २ सय ९८ रनको बलियो लक्ष्य दिएको छ ।

टस जितेर पहिले ब्याटिङ गरेको भारतले निर्धारित ५० ओभरमा ५ विकेट गुमाएर २ सय ९७ रन बनायो ।

---

भारतका लागि सचिन दासले १ सय १ बलमा ११ चौका र ३ छक्काको मदतमा १ सय १६ रन बनाए । उदय सहारणले १ सय ७ बलमा ९ चौका हिर्काउँदै शतक पूरा गरे ।

आदर्श सिंह २१ रन, आर्शिन कुलकर्नी १८ रन तथा प्रियान्सु मोलिया १९ रन बनाएर आउट भए ।

नेपालका लागि गुल्सन झाले ३ तथा आकाश चन्दले एक विकेट हात पारे ।