विराट कोहलीले इंग्ल्यान्डविरुद्धको बाँकी तीनवटै टेस्ट खेल गुमाउने

काठमाडौँ- भारतीय ब्याटर विराट कोहलीले इंग्ल्यान्डविरुद्धको बाँकी तीनवटै टेस्ट खेल गुमाउने भएका छन् ।

व्यक्तिगत कारण जनाउँदै ३५ वर्षीय पूर्व कप्तान कोहलीले यसअघिका दुई खेल पनि गुमाएका थिए ।

---

तर, शनिबार बोर्ड अफ कन्ट्रोल फर क्रिकेट इन इन्डिया (बीसीसीआई) ले कोहलीले बाँकी तीनवटै खेल गुमाउने जनाएको हो ।

बीसीसीआईले जनाएअनुसार कोहलीले व्यक्तिगत कारण जनाउँदै सिरिजका बाँकी तीनवटै खेल गुमाउने भएका हुन् ।

भारतका लागि १ सय १३ टेस्ट खेलेका कोहलीले ८ हजार ८ सय ४८ रन बनाएका छन् ।

पाँच खेलको सिरिजमा भारत र इंग्ल्यान्ड १-१ को अवस्थामा छ । यी दुई टोलीबीचको तेस्रो खेल आगामी बिहीबारबाट सुरु हुने तालिका रहेको छ ।