टेस्ट क्रिकेटमा भारतका रविचन्द्रन आश्विनको ५ सय विकेट पूरा

काठमाडौँ- भारतीय बलर रविचन्द्रन आश्विनले टेस्ट क्रिकेटमा ५ सय विकेट पूरा गरेका छन् ।  

पाहुना टोली इंग्ल्यान्डविरुद्धको तेस्रो टेस्ट खेलका क्रममा स्पिनर आश्विनले ५ सय विकेट हात पारेका हुन् ।

---

९८ औँ खेलमा आश्विनले ५ सय विकेट हात पार्न सफल भएका हुन् । टेस्ट क्रिकेटमा ५ सय विकेट हात पार्ने दोस्रो भारतीय खेलाडी हुन् ।

पूर्व भारतीय क्रिकेटर अनिल कुम्बलेले ६ सय १९ विकेट हात पारेका थिए ।

टेस्ट क्रिकेटमा ५ सयभन्दा बढी विकेट हात पार्ने आश्विन नवौँ खेलाडी हुन् ।