क्रिकेट लिग-२ : नेपाल र नेदरल्यान्ड्सबीचको खेल भोलि

काठमाडौँ- आईसीसी पुरुष क्रिकेट विश्वकप लिग-२ अन्तर्गतको पहिलो सिरिजको दोस्रो खेलमा नेपालले भोलि नेदरल्यान्ड्सको सामना गर्दैछ ।

नेपाल र नेदरल्यान्ड्सबीचको खेल कीर्तिपुरस्थित त्रिवि क्रिकेट मैदानमा बिहान ९:१५ बजेबाट सुरु हुनेछ ।

---

लिग-२ अन्तर्गत नेपाल र नेदरल्यान्ड्सबीच पहिलोपटक खेल हुन लागेको भएपनि समग्रमा एकदिवसीय अन्तर्राष्ट्रियमा नेपाल र नेदरल्यान्ड्सबीच यो चौथो खेल हुनेछ ।

यसअघि भएका तीनमध्ये २ खेलमा नेदरल्यान्ड्सले जित हात पार्दा १ खेलमा नेपाल विजयी भएको छ ।

जारी सिरिजको पहिलो खेलमा भने नेपालले नामिबियासँग ४ विकेटको पराजय भोगेको थियो ।