काठमाडौँ- आईसीसी पुरुष क्रिकेट विश्वकप लिग-२ अन्तर्गतको नेपालमा जारी एकदिवसीय अन्तर्राष्ट्रिय त्रिकोणात्मक सिरिजमा भोलि नामिबिया र नेदरल्यान्ड्सबीच खेल हुँदैछ ।

नामिबिया र नेदरल्यान्ड्सबीचको खेलको कीर्तिपुरस्थित त्रिवि क्रिकेट मैदानमा बिहान ९:१५ बजेबाट सुरु हुनेछ ।

---

जारी सिरिजमा नामिबिया र नेदरल्यान्ड्सबीच पहिलोपटक खेल हुन लागेको हो । तर, दुवै टिमले भने समान दोस्रो खेल खेल्न लागेका हुन् ।

पहिलो खेलमा नामिबियाले भने नेपाललाई ४ विकेटले पराजित गरेको थियो । यता नेदरल्यान्ड्सले भने पहिलो खेलमा नेपालसँग ९ विकेटको पराजय भोगेको थियो ।