नेदरल्यान्ड्‌सले टस जित्यो, रोज्यो फिल्डिङ

काठमाडौँ- आइसिसी विश्वकप क्रिकेट लिग–२ सिरिजमा नामिबियाविरुद्ध नेदरल्यान्ड्‌सले टस जितेर फिल्डिङ रोजेको छ ।

आइसीसी क्रिकेट विश्वकप लिग–२ अन्तर्गत आज नामिबिया र नेदरल्यान्ड्‌सबीच खेल हुँदैछ ।

---

त्रिभुवन विश्वविद्यालय किर्तिपुरको खेल मैदानमा हुने यो खेल बिहान ९:३० बजेदेखि शुरु भएको छ ।

नामिबियाले पहिलो खेलमा नेपाललाई ४ विकेटले पराजित गर्दै यस सिरिजमा विजयी शुरुवात गरेको छ भने नेदरल्यान्ड्‌सले पहिलो खेलमा नेपालसँग ९ विकेटले हार व्यहोरेर दोस्रो खेल खेल्दै छ ।

लिग–२ मा ८ देश खेलिरहेका छन् । जसमा नेपालसहित नेदरल्यान्ड्‌स, नामिबिया, क्यानडा, ओमान, स्कटल्याण्ड, युएई र अमेरिका रहेका छन् ।

आइसीसीका अनुसार लिग–२ मा शीर्ष ४ स्थानमा रहने टिम विश्वकप क्वालिफायरमा छनौट हुने छन् भने पछाडि रहेका ४ देशले पनि विश्वकपमा छनौट हुने अवसर पाउने छन् ।