प्रिमियर कप खेलेर नेपाली टिम स्वदेश फिर्ता

काठमाडौँ- एसीसी महिला प्रिमियर कप टी-ट्वान्टी क्रिकेट प्रतियोगिता खेलेर नेपाली महिला क्रिकेट टिम मलेसियाबाट स्वदेश फिर्ता भएको छ ।

मलेसियामा आइतबार सम्पन्न प्रतियोगिताको उपाधि युनाइटेड अरब इमिरेट्स (यूएई) ले जितेको थियो ।

---

नेपाल भने सेमिफाइनलमा मलेसियासँग पराजित भएको थियो । सेमिफाइनलमा पराजय भोगेसँगै नेपालले यसै वर्ष आयोजना हुने एसीसी महिला एसिया कपमा स्थान बनाउन चुकेको थियो ।

फाइनल पुगेका मलेसिया र यूएई भने एसिया कपका लागि छनोट भए ।