प्याट कमिन्स सनराइजर्स हैदराबादको कप्तान नियुक्त

काठमाडौँ- अस्ट्रेलियन क्रिकेट टिमका कप्तान प्याट कमिन्स इन्डियन प्रिमियर लिग (आईपीएल) क्लब सनराइजर्स हैदराबादको कप्तान चयन भएका छन् ।

सन् २०२३ को सिजनमा कप्तानी गरेका आइडेन मारक्रामको स्थानमा कमिन्स कप्तान चयन भएका हैदराबादले जनाएको हो ।

---

कमिन्सले यसअघि आईपीएलका कुनै पनि टिमको कप्तानी भने गरेका थिएनन् । तर सन् २०२३ मा अस्ट्रेलियालाई विश्व टेस्ट च्याम्पियनसीप तथा एकदिवसीय विश्वकपको उपाधि दिलाएपछि हैदराबादले उनलाई कप्तानीको जिम्मेवारी दिएको हो ।

अन्तर्राष्ट्रिय क्रिकेटमा ध्यान दिएपछि सन् २०२३ को सिजनको आईपीएल नखेलेका कमिन्सले भने सन् २०२४ को सिजनका लागि २० करोड भारतीय रुपैयाँमा हैदराबादमा अनुबन्ध भएका छन् ।

यस सिजनको आईपीएलको पहिलो खेलमा हैदराबादले मार्च २३ मा कलकता नाइटराइडर्सको सामना गर्नेछ ।